2025 жылы керемет фильмдер көп шығады деп күтілуде. Бізге постапокалипсис оқиғаларды, қызық көріністерге толы сиквелдер, еліктірер триллерлер мен романтикалық комедиялар көрсетіледі.

Осы мақалада 2025 жылы ұсынылатын 10 кинопремьера туралы әңгімелейміз. Мүмкін, кинотеатрға бару үшін билетке ақша жинарсыз, мүмкін, стримингтік сервистерде цифрлық релизді күтерсіз. Кез-келген жағдайда міндетті түрде көру қажет фильмдердің тізіміне қандай фильмдерді енгізу керек екенін талдайық.

28 жылдан кейін

Ең күтілетін фильмдердің бірі - «28 жылдан кейін» фильмі, бұл фильмде құпия зертханадан абайсызда шығарылып, апаттық салдарға әкеп соққан вирустарға қатысты оқиға баяндалады. Сюжеттің ортасында – шағын аралда жасырынып, аман қалған бір топ адам. Алайда, олардың бірі індет қаншалықты алыс таралғанын түсіну үшін материкке аттанады.

F1

«F1» фильмінде Брэд Питт бұрын «Формула-1» жарысушысы болған, қорқынышты жол апатынан кейін спортқа қайта оралған Сонни Хейздің рөлін сомдайды. Оның оралуы нағыз сенсацияға айналады, ол барлық қиындықты жеңе алатындығын дәлелдеп қана қоймай, жас жарысушыға тәлімгер болады. Қызықты жарыс сахналары мен шынайы опарторлық жұмыс бұл фильмді автоспорттың жанкүйерлері мен  Формула 1 жарысына бәс тігушілер үшін маңызды оқиғаға айналдырады.

Миссия орындалмайды: Соңғы үкім

«Миссия орындалмайды» франшизасы 1996 жылдан бері көрсетіліп келеді және бұл фильм оның соңғы бөлімі болады. Итан Ханттың рөлін сомдайтын Том Круз өзінің соңғы тапсырмасын орындау үшін команда жинайды. Көрермендер шексіз экшен мен шиеленіскен сәттерді көре алады. 

Майкл (2025)

Егер Майкл Джексонның жанкүйері болсаңыз, онда «Майкл» - сізге арналған фильм. Бұл - әйгілі поп-орындаушының өмірі туралы өмірбаяндық драма. Фильмде оның мансабының негізгі кезеңдері – балалық шағынан бастап, әлемге танылған кезге дейінгі кезеңдері, сондай-ақ баршаға танымал билері мен хит әндерінің шырқалуы көрсетіледі. 

Супермен

DC Comics өздерінен асып түсуге сөз берді. «Супермен» фильмі АҚШ-та 2025 жылы шығады, содан кейін әлем бойынша прокатқа шығарылады. Фильмде кейіпкер өзінің криптондық шығу тегін адами тәрбиемен үйлестіріп, өзінің мұратына – әділдік пен шындыққа сенімді болып қалуға тырысатындығы баяндалады.

Франкенштейн

Ескі классика заманауи форматта оралады. 2025 жылы шығарылатын «Франкенштейн» фильмі нағыз керемет оқиғаға айналады деп күтілуде, бұл фильмде Кристиан Бэйл, Джейкоб Элорди, Оскар Айзек, Кристоф Вальц және Миа Гот ойнайды. Фильм 40 жыл бұрын өрт кезінде қайтыс болды деп есептелген құбыжық Франкенштейнді аңдып жүрген доктор Преториустың тарихын баяндайды.

Жүгіріп келе жатқан адам

«Жүгіріп келе жатқан адам» фильмінің желісі антиутопиялық АҚШ-та өрбиді. Басты кейіпкер Бен Ричардс қатал реалити-шоуға қатысады, бұл шоуда ойыншылар өздерін өлтіргісі келетін аңдушылардан жасырынып, аман қалуы тиіс. Көрермендерді кейіпкерлер үшін уайымдататын қызықты әрі үрейлі көрініс.

Қылмыс үстінде ұсталды

«Қылмыс үстінде ұсталды» фильміндегі оқиға желісі 90-шы жылдары Нью-Йоркте болған. Оқиғаның ортасында – бұрынғы баскетболшы Хэнк Томпсон, ол мансабын аяқтап, абайсызда қылмыстық әлемге тартылады және аман қалуы үшін күресуге мәжбүр болады. Фильм көрермендерге қаланың теріс жағын көрсетеді және кейіпкермен бірге барлық қиындықтан өтуге мүмкіндік береді. 

Аватар: От пен күл

«Аватардың» бірінші бөлімі 2009 жылы, ал екінші бөлімі 2022 жылы шыққан болатын, ал енді үшінші бөлімі шықты. «Аватар: От пен күл» фильмі от стихиясымен байланысты тайпаларға екпін жасап, Пандораның ғаламын кеңейтуді жалғастырады. Фильмде жаңа визуалды әсерлер көрсетіліп, көрермендерді таңғажайып әлемге ауыстырады.

Капитан Америка: Жаңа батыл әлем

Marvel Studios Капитан Америка туралы жаңа фильмді 2025 жылы шығарады. «Капитан Америка: Жаңа батыл әлем» фильмі президент Росспен кездескеннен кейін халықаралық қастандыққа тап болған Сэм Уилсон туралы баяндайды. Әлемдік ауқымдағы қауіп, құпия дұшпан, шытырмандар және шиеленіс сахналар - Marvel фильмдерін ұнататын көрермендерге арналған сюжет. 

2025 жылы күтілетін фильмдердің тізімі осы! Кинематограф алуантүрлілікпен қуантады: Marvel және DC комикстерінен бастап, ғылыми фантастикаға, драмаларға және шытырман оқиғалы триллерлерге дейін көрсетіледі. Суперкейіпкерлерді ұнатасыз ба? Онда сізге «Супермен» және «Капитан Америка» фильмдері ұнайды. Шиеленіске толы оқиғаларды ұнатасыз ба? Онда «Жүгіріп келе жатқан адам» және «Қылмыс үстінде ұсталды» деп аталатын фильмдер сізге арналған. Кез-келген жағдайда кино әлемі сіз үшін қызықты жыл болады!

Комментарии: